biganza, wikomereza gahunda zawe za buri munsi, ukica byinshi kuko uba utabambye uba utababara, kandi ukigira nk’uwabambwe. Kuko aho ugiriye ikibazo hose uhita uwuvaho, ukajya kwirwanaho uhumuriza kamere yawe.
Reka ngire icyo mvuga gato ku byerekeye ahantu Imana yagiye iba. Muri Edeni yasangaga Adamu mu busitani bwo muri Edeni bakaganira. Bananiranwe yajyaga yisangira umuntu atazi aho ivuye, bavugaga ko ngo yavaga mu ijuru. Ba Nowa, Aburahamu, Isaka, Yakobo. Mose we yamuvugishije iri mu gihuru cyaka umuriro. Umva nawe : «IGIHURU». Ni yo mpamvu bagendaga bubaka ibicaniro aho babaga bavuganiye na yo hose nk’ikimenyetso. Igicaniro cya mbere cyubatswe na Nowa (Itangiriro 8:20-22). Yabonekeye Mose iri mu gihuru cyaka umuriro. Yigaragarije Abayisirayeli mu bitangaza byinshi. Maze bava muri Egiputa, ku manywa ikaba inkingi y’igicu, nijoro ikaba inkingi y’umuriro. Bigeze aho ibwira Mose ko ihinduye gahunda, imuha igishushanyo «cy’Ihema ry’Ibonaniro», ko ari ho bazajya babonanira na yo. Maze ikibera ahitwa «AHERA H’AHERA». Umva neza, mu ihema. Rikagira urwinjiriro, hagati ariho hitwaga AHERA, n’imbere, ahitwaga AHERA H’AHERA, ahari isanduku y’isezerano irimo ibisate by’ Amategeko icumi ya Mose, Manu, na ya Nkoni ya Aroni yarabyaga.
Aho ni ho Imana yuzuye yabaga muri iyo sanduku. Umva nawe «ISANDUKU»! Kuko Amategeko asobanura «Imana Data wa twese», Manu isobanura «Yesu Kristo» kuko ni we mutsima w’ubugingo, n’Inkoni yarabije ari yo isobanura «Umwuka Wera». Kandi Ihema rya Mose risobanura byinshi ariko si cyo kigendererwa. Ndashaka gusobanura gato ibyerekeye aho Imana iri ubu ngubu. Ibya mbere murabisoma mu bitabo bitanu bya mbere ari byo byitwa ibya Mose. Igihe Yesu yamaze kuzuza byose ku musaraba akavuga ati «BIRARARINGIYE» (Yohana 19:30). Bibiliya ivuga ko umwenda wakingirizaga ahera h’Urusengero watabutsemo kabiri kuva hasi kugera hejuru. Bivuga ngo buri wese rero agomba kwibonera Imana ye, ntawundi anyuzeho.
Igihe cya Pentekote ubwo Umwuka Wera yamanukaga Imana yahise iba muri buri wese wizeye Umwana wayo nk’Umwami n’Umukiza. Umuntu ahita ahinduka atyo urusengero rw’Umwuka Wera maze Imana ikaba muri njye nawe. Ibindi bituruka ku mubi. Ikibazo : Niba Imana iba mu muntu kuki hubakwa ibyo bita Insengero? Kuko n’urw’i Yerusalemu rwarashenywe bwa kabiri igihe cya Titus w’umuroma mu mwaka wa 70 nyuma ya Yesu.
Mbere urwo Salomo yubatse rw’akataraboneka, rwasenywe na Nebukadineza. Ndabaza ibyo bubaka bakabyita ngo ni Inzu z’Imana niba koko ziba ari inzu zayo. Mubitekerezeho muzansubize. Kuki Imana yemera ko basenya inzu zayo irebera?