utajya ava ku izima kandi akazagirira n’igihugu akamaro (Rusi 1:6).
Narose undi mugore uzi kwinginga Imana cyane yari ingumba abona urubyaro ndetse abyara n’umuhanuzi (1 Samweli 1:9-18). Ndota umugore arengera umuryango we, afite umugabo w’ikigoryi (1 Samweli 25:18-35). Ndota undi mugore utangaje numva ndashaka kumera nkawe, uwo yasiribanze amategeko y’Abamedi n’Abaperesi kandi ataravuguruzwaga yakoresheje ibanga ryo gusenga akiza ubwoko bwe (Esiteri 4: 16).
Ndota umugore mwizaaa! (Imigani 31:10-31), naje no kurota ngo abagore baboroga baniha binginga, b’abahanga (Yeremiya 9:6). Izo nzozi zabaye ndende kuko nakomeje kurota umugore yabyaye umucunguzi w’isi yose (Luka 1: 26-38). Ndota uwihanganiye ubupfakazi (Luka 2:36), abagore bafashaga Yesu (Luka 8:1-3), ndota abagore bafite impuhwe (Luka 23:55, 56), ndota abagore batagira ubwoba kandi abagabo batinye (Matayo 28:5-7). Narose umugore usobanukiwe iby’amoko akaba n’umuvugabutumwa (Yohana 4:9), ndota abagore ari aba mbere mu kuvuga ubutumwa (Yohana 4:28; Yohana 20:11-18).
• Ndongera ndota umugore w’ingeso nziza wa mbere mu gufasha, yaranapfuye Imana iramuzura. (Ibyakozwe n’Intumwa 9:36). Nakomeje kurota n’abadiyakonikazi mu matorero (Abaroma 16); ndota Imana ihana inzoka (Itangiriro 3:15), hanyuma numva ijwi rivuga ngo mu gihano cy’umwanzi havuyemo iki : «Umuhamagaro w’umugore». Izi nzozi zarantangaje cyane, narose umugore arwana incuro ebyiri, arwana urugamba rwe n’urw’urubyaro rwe, nkomeza ndota yitwa umufasha, ko iyo adahari akazi gahagarara (Itangiriro 2:18).
Narose kandi Imana ivuga ngo «si byiza», kuberako umugore atari yabizamo. Narose urubyaro rwe ruzashwanyaguza urw’umwanzi. Ndota umugore ariwe ugomba gutunganya ibintu, cyangwa akabyica, ko no mu Rwanda babitayeho cyane, bagomba no kuba nka 64 % mu buyobozi; ndota abagore b’abapasitori, b’abavugabutumwa, abagore b’abahanuzi benshiii! B’abaririmbyi, ko no mu kinyarwanda bitwa ba Gahuzamiryango (atari BBC cyangwa Primus). Akitwa umutima w’urugo. Umukobwa akaba Nyampinga.
• Nkomeza kurota umugore ayobora neza mu nzego zose iyo abishatse, ndetse ko ashobora no kuba Perezida w’igihugu. Ndetse ko ari no mu ntwari z’igihugu. Ariko mbere nari narose ari umugore wunze Abanyarwanda nanirwa kubisobanukirwa.