imbere y’udushusho, kuko n’utazi ubwenge ntiyabyemera ariko niyo myizerere ye, kuko nanjye wandika ibi nigeze kugapfukama imbere, niho ubwenge bwanjye bwagarukiraga icyo gihe, niho imyizerere yanjye yari ishingiye. Abandi basenga igitunguru, abandi inka, abandi inyenyeri, abandi Nyabingi, abandi abakurambere, izuba n’ukwezi n’ibindi byinshi, n’udusimba cyangwa ibikoko.
Maze twaba twateranye tukaririmba indirimbo zivuga ku mana zitavuga kuri Yesu kuko benshi batamwemera kuko ari we kimenyetso kigirwa impaka. Maze ngo amasengesho y’igihugu akaba ararangiye. Iyo uzanye Yesu ngo uba utangiye gukabya no kwica ubumwe n’ubwiyunge. Ariko niko byanditswe kuri we ko ari ikimenyetso kigirwa impaka.(Luka 2:34-35).
Amaraso ahamagara ayandi ati mporera! Uwiteka yabwiye Kayini ati “Ijwi ry’amaraso ya murumuna wawe rirantakira ku butaka” (Itangiriro 4:9-10).
• Imana iramenwa amatwi n’amajwi y’amaraso y’abiyita abatutsi
• Amajwi y’amaraso y’abiyita abahutu
• Amajwi y’amaraso y’abiyita abatwa
• Amajwi y’amaraso y’abazayiruwa (abanyekongo)
• Amajwi y’amaraso y’ababiligi
• Amajwi y’amaraso y’abafaransa
• Amajwi y’amaraso y’abaganda
• Amajwi y’amaraso y’abanyezimbabwe
• Amajwi y’amaraso y’abanyangola
• N’ayandi ntazi nawe utazi.
Ku butaka bw’u Rwanda hari 99% y’amaraso hutu-tutsi; ku butaka bwa Kongo hari 95% y’amaraso hutu-tutsi. Ahandi 5% y’amaraso hutu-tutsi. Mfite uko nabaze iyi mibare. Buri ruhande ruba ruvuma urundi. Abahutu n’abatutsi.
U Rwanda rugomba kwezwa kuva ku Kanyaru, kuva i Gatuna, kuva i Kagitumba, kuva ku Rusumo, na Rusizi ya 1 n’iya 2, no kuva ku mupaka wa Goma na Gisenyi na la Corniche. Umutara ukezwa cyane kuko namwe muziko ariho hatangiriye intambara muri 1990, kandi ni nabwo «Bushiru» bw’ubu. Sinakwibagirwa i Bugesera hariya naho hafite ibyaho byihariye. Ku byerekeye amaraso, igihe cya gihake na gikolonize hamenetse amaraso menshi igihe hategekaga abami b’abatutsi.
Hari ubutegetsi buvanze n’ubugome n’ibinyoma n’ubwiyemezi byinshi, n’ubwo hari umurengwe hari hagwiriwemo no kwiyahura kwinshi, ibitambo by’abantu byinshi, ubupfumu bwinshi, kuraguza kwinshi, guhishurirwa na Satani byo mu rwego rwo hejuru. Imyuka y’abacwezi n’abarangi.