NAKIRIYE UMWAMI YESU MU BUGINGO BWANJYE, TALIKI YA 11/12/1990. KUGEZA KURI 13/3/1996 UBWO NAHURAGA NA YESU KURI UWO MUGOROBA SAA KUMI N’IMWE, IYO MYAKA UKO ARI ITANU N’AMEZI ATATU YABAYE IGIHE CYATEGURIZAGA UMUHAMAGARO NYIR’IZINA. NAYISE « IMYAKA Y’URUZERERO », IVANZEMO IBIBI BYINSHI. KUVA TALIKI 13/3/1996 KUGEZA 22/6/1999 YABAYE IMYAKA ITATU N’AMEZI ATATU YO KUVUGA UBUHAMYA BWANJYE (GUHAMYA), MPAMIRIZA YESU AHO YANKUYE HABI CYANE.
NASHINZWE NA YESU UMURIMO W’UBWIYUNGE BW’AMOKO « HUTU-TUTSI » NYUMA YA JENOSIDE YAKOREWE ABATUTSI MURI 1994. AHO NI NAHO HARI IPFUNDO RY’IBANGA YESU YAMPISHURIYE KU BIREBANA N’UMUHAMAGARO W’IBIYAGA BIGARI N’UW’U RWANDA BY’UMWIHARIKO, N’AHANDI KU ISI MURI RUSANGE.
MFITE UMUTWARO WO KUGARURA ITORERO RYA YESU KRISTO KU « RUFATIRO RW’INTUMWA N’ABAHANUZI » (ABEFESO2.20). HANYUMA « UBWIZA BW’ITORERO RYA NYUMA BUKAZARUTA UBW’IRYA MBERE » (HAGAYI2.9). MFITE UMUTWARO KANDI W’UKO IMPUNZI ZOSE Z’IBIYAGA BIGALI ZATAHA MU MAHORO, KUKO ZABURI137.4 IVUGA NGO « TWARIRIMBA DUTE INDIRIMBO Y’UWITEKA MU MAHANGA » ?
KIMWE N’ABANDI BENSHI, NTEGEREJE U RWANDA RUSHYA RUTARANGWAMO AMACAKUBIRI, RURIMO UBWIYUNGE NYAKURI, BWO BWONYINE BUSHOBORA KUZANA UBUMWE. AKABA ARI HO HAZAVA « UBUBYUTSE » BWAHANUWE, MAZE ABANYARWANDA TUKABONA KWINJIRA NEZA MU MUHAMAGARO TUGAKORESHWA N’IMANA NTA NKOMYI. NTEGEREJE KANDI UBUYOBOZI BWUBAHA IMANA NTA BURYARYA N’UBUGOME.
IMANA IGUHE UMUGISHA