Niba warafunzwe na Gacaca kandi wari wariyoberanije, ndagusaba kwihana vuba. Kuko Imana ntaho wayihungira, uwo uzaheka ntumwisha urume.
Niba kandi waratanze amafaranga ngo urenganurwe uhindurwe umwere. Ntuzabiheza, cyeretse wihannye ukavugisha ukuri kuko urimo kwitinza kandi Imana yo ntiyibagirwa. Kandi amaraso wamennye yo aratabaza asaba ngo ahorerwe. (Kubara 35:33). Cyeretse uhamagaye amaraso ya Yesu yonyine niyo yacecekesha ayo wamennye, (Abaroma 3:25-26). Urasabwa kubyibazaho, kandi bigakorwa ku mugaragaro.
Niba warafunguwe ubeshye cyangwa ubeshyeye abandi, ibizakubaho bibi ni ingaruka z’ibinyoma byawe. Amaraso ntaceceka, ntasaza, n’uzaba utanakiriho azasama abazagukomokaho. Bitekerezeho.
Niba uri uwacitse ku icumu, ukaba warahawe ruswa ngo utavugisha ukuri, woweho rwose uragowe cyane, kuko uri umugambanyi incuro ebyiri, uzahanwa kabiri kuko wagurishije amaraso ya bene wanyu kandi nta giciro cy’amaraso kibaho. Ayo mafaranga azagusama wanze ukunze. Isuzume uriyizi.
Wowe wavugishije ukuri ukaba uri mu bihano Nsimbura- gifungo, wirinde kwinuba no kuvuga amagambo mabi, kuko imbabazi wagiriwe ntaho ziba mu isi. Witonde uzarangize neza. Wirinde ibigendana na politiki byose bitazongera kugusama.
Wowe wabeshye ngo ukunde usohoke muri gereza, ukaba uri muri TIG, uziko hari abo wabeshyeye, ibyabo bizakugaruka ku mutwe. Ndakugira inama yo kwihana kuko abameze nkawe mwateje akaduruvayo kenshi muri Gacaca. Itabare rero.
68. Ese wemerako turi Ishyanga ryatoranijwe n’Imana kuyikorera ibihe bya nyuma? Ko tutagomba gukora ibyo twishakiye. nk’ayandi mahanga? Sobanura.
69. Wumva abayobozi b’igihugu bakizwa, bakizera Yesu Kristo, cyangwa bakomeza ibyo barimo. Cyangwa wakoresha ya mvugo ivugango «twese turasenga».
70. Sobanura impamvu hamwe n’ibyabaye mu Rwanda, ku banyarwanda, twananiranye ntiduhindukirire Imana nk’i Ninewe (Yona ibice 3) kandi aribyo Imana idusaba gukora ngo itugirire neza. Wowe ubibona ute? Niba ufite abawe