biranga uwiyita Umunyarwanda nyawe, ariko mbona umucamanza mukuru yanze kubyemera. Mvuga ko uwiyita Umunyarwanda wiyubashye azi kurwana no kwica cyane, akagira ishyari n’ubugome byinshi.
Ndongera mvugako impunzi zatashye, ko n’Abacengezi baza bagahitira mu ngando «i Mutobo mu Ruhengeri», ko n’abakoze Itsembabwoko bireze bakemera ibyaha bakagabanirizwa ibihano, bakaba bakora TIG «Imirimo-nsimbura-gifungo», bamwe bakayikora bataha, ndetse ko twese ngo turi Abanyarwanda. Mbona agiye nko kunyica kubera umujinya, nabyo yanga kubyemera. Mvuga ko abana bose biga nta busumbane buriho. Andeba nabi cyane, nigirira ubwoba. Nongeraho ko batishyura Minerivali noneho ampa Gasopo. Ndota nshaka kwemeza Imana ko ubupfura bwacu buba mu nda, iranga, mvugako hari ubwiyunge na Gacaca na TIG no gusubiza mu buzima busanzwe ingabo zavuye ku rugerero, iranga. Nyibwirako turi abakozi cyane ko twubaka nk’abatanguranwa bari mu marushanwa, ko dufite amajyambere n’isuku ikabije muri Kigali, ko twabonye n’ibikombe byinshi, ko twaciye n’ama sachets kuberako yangizaga ibidukikije.
Nyereka Centenary House – Kigali, ziriya Minisiteri ziri ku Kimihurura, mu Kiyovu hahoze hitwa ah’abakene uko batangiye kuhagira. Nyereka n’uko bagiye kugira i Kiyovu cy’abakire hariya Afandi PC atuye, maze indebana agasuzuguro nko kumbwirako «nduhira ubusa».
Ndakomeza nyereka Serena Hotel, MINADEF y’umutamenwa yubatse nka Ambassade y’Amerika, ihita incira amarenga ngo «biriya byose ni ukubera ubwoba». Ariko icyo gisubizo ndakirengagiza, sinakitaho nyereka Nyarutarama yose, Kibagabaga, Gacuriro, za Gisozi, Kagugu, Kimironko, Kinyinya, mbese uko umugi ugenda waguka, nzana za BCDI yahindutse Echobank, KIST 1, 2, 3, 4, 5, 6, 7, 8, 9, 10. City Plaza, Bacar yahindutse Fina Bank, za Kacyiru, Union Traide Center bita kwa Rujugiro. (Ngo nawe yarahunze)? Nakumatt, na Simba Super Market, byose irabyanga, nazanye n’ibindi byinshi by’amajyambere iranga, na byabindi byubatswe aho Gare yahoze byananiye gusobanura n’ibindi biri hahandi isoko ryahoze.
Nabonye irakaye igihe nayiratiraga imitamenwa yose izamutse mu mujyi hagati imeze nk’ibihepfu, ibyo byo nari nziko biri buyitere kwibaza ukuntu u Rwanda ruteye imbere mu gihe gito nyuma y’amahano y’ibyorezo byarugwiriye, kandi ko byose tubikesha Leta yiyita iy’ubumwe, n’ubwitange budashyikirwa bwa Afande PC, ariko iranga, ikomeza kurakara. Nayeretse ibikorwa byinshi bitanakwirwa ku mpapuro, ndwana no kuyemeza gusa, mbonye ibyanze nzana bingoye VISION 20/20 yose, igishushanyo cyayo cyakozwe ngo niba ari Singapour, nongeraho ko dushobora gukora na Vision 20/30 cyangwa 50, noneho mbona irushijeho kurakara; ntegerezako